"Манчестер Сити" ярим ҳимоячиси Нико Гонсалес жамоада қолишни истамоқда. Испаниялик футболчига "Ньюкасл" клуби қизиқиш билдирмоқда.
"Шаҳарликлар" ярим ҳимояда футболчилар етишмаслиги мумкинлигига қарамай, "қарғалар" билан музокара олиб боришга тайёр. Бироқ Никонинг ўзи жамоани тарк этишга шошилмаяпти. Инсайдер Фабрицио Романо маълумотига кўра, 24 ёшли футболчи таркибдаги қайта қуришдан сўнг асосий таркибдан жой олиши ва амалдаги жамоасига катта фойда келтириши мумкинлигига ишонмоқда.
Нико Гонсалес 2025 йил бошида "Порту"дан 60 миллион евро эвазига "Манчестер Сити"га кўчиб ўтган. Айни пайтда Transfermarkt портали футболчининг трансфер қийматини 40 миллион евро деб баҳоламоқда.
Шу билан бирга, сўнгги хабарларга кўра, "Ньюкасл" Гонсалес трансфери бўйича "Манчестер Сити" билан музокараларни бошлаган. Томонлар ўртасидаги мулоқот ҳозирча дастлабки босқичда.
