"Ан-Наср" ҳужумчиси Криштиану Роналду жароҳати сабаб мавсум бошини ўтказиб юбормоқда.
Чоршанба куни португалиялик футболчи яна индивидуал дастур асосида машғулот ўтказди. У ҳозирча жамоавий машғулотларда иштирок этмаяпти. Al Nassr Zone Саудия Арабистони ОАВга таяниб хабар беришича, 41 ёшли футболчи тос мушакларидаги жароҳатдан тикланишда давом этмоқда.
Роналду ўтган ҳафта умумий гуруҳда машғулот ўтказган, аммо оғриқ ҳис қилган. Пайшанба куни тиббий штаб унинг ҳолатини баҳолайди ва шундан сўнг 21 август куни "Ар-Риёд"га қарши Саудия Арабистони чемпионати учрашувида иштирок этиши бўйича қарор қабул қилинади.
Криштиану Роналду "Ан-Наср"нинг янги мавсумдаги дастлабки икки расмий ўйини — "Ал-Фатҳ" (3:0) ва "Ал-Дирия"га (4:1) қарши учрашувларни ўтказиб юборди.
