"Бенфика" марказий ҳимоячи Алессандро Чиркатини ўз сафига қўшиб олганини эълон қилди. 22 ёшли австралиялик футболчи Италиянинг "Парма" клубидан ўтди ва Португалия клуби билан 2031 йилга қадар шартнома имзолади.

Трансфернинг молиявий шартлари расман маълум қилинмаган. Transfermarkt портали маълумотига кўра, трансфер суммаси 20 миллион еврони ташкил этган.

Чиркати "Парма" ва "Перт Глори" клублари тарбияланувчиси ҳисобланади. У Австралия терма жамоаси сафида 17 та учрашув ўтказиб, 1 та гол урган. Ҳимоячи 2026 йилги жаҳон чемпионатида ҳам иштирок этган ва терма жамоа билан 1/16 финалга қадар етиб борган.

Ўтган мавсумда Чиркати 33 та учрашувда майдонга тушиб, 1 та гол урди ва 1 та голли узатмани амалга оширди. Шунингдек, у 6 та сариқ карточка олган.