«Барселона» футболчиси Жоау Канселу Каталония клубига қайтганидан мамнун эканини билдириб, жамоанинг асосий мақсадларидан бири Чемпионлар лигасида ғолиб чиқиш эканини таъкидлади.
«Мен фақат «Барселона»га қайтишни истагандим. Бу сафар ниҳоят болаликдаги орзумни тўлиқ амалга ошириш имкониятига эга бўлдим.
«Барселона»дек клуб барча совринларни ютишга тайёр бўлиши керак.
Биз Чемпионлар лигасида ғолиб чиқишга интилаяпмиз. Бунинг учун ҳар куни астойдил меҳнат қиладиган кучли жамоамиз бор. Шунингдек, тажрибали футболчилар ёшларга, ёш футболчилар эса тажрибалиларга ёрдам бериши керак.
Менимча, биз тўғри йўлдамиз. Чунки бу жамоада жуда юқори савиядаги футболчилар бор. Чемпионлар лигасини ютиш имкониятига эга бўлиш учун бор куч ва салоҳиятимизни ишга соламиз», — деди Канселу.
