Ян Диоманде қиммат трансфердан сўнг ўзини босим остида ҳис қилмаётганини айтди.
Матбуотда «Реал» «РБ Лейпциг»га Диоманде учун 125 миллион евро тўлагани ҳақида хабарлар тарқалганди. Бонуслар ҳисобига бу сумма яна ошиши мумкин.
«Реал» мен учун катта миқдорда пул сарфлади. Одамлар мени майдонда кўришни интиқлик билан кутишяпти, аммо ҳеч қандай босим йўқ.
Улар менга ишонгани учун мен учун шунча кўп пул сарфлашди. Аммо нега мен қўрқишим керак? Мен қўрқмайман, ҳеч қандай босимни ҳис қилмаяпман. Мен ўз ишимни қилишда давом этаман, қолгани эса Худонинг қўлида», — дея Диоманденинг сўзларини келтиради The Touchline.
