"Реал" бош мураббийи Жозе Моуринью жамоанинг бразилиялик вингери Винисиус Жуниор ҳақида фикр билдирди.
"Унинг ўтмишда қандай муаммолари бўлганини билмайман. Аммо ҳозир унинг ғалаба қозонишни истаётганини кўриб турибман. У мен нимани хоҳлаётганимни билади. Менимча, у бахтли ва жамоада ўзини қулай ҳис қилмоқда. Шартномани узайтиришдан олдин ҳар бир суҳбатимиз яна ғалаба қозониш истаги ҳақидаги гаплар билан якунланарди", — деди Моуринью.
Узоқ ва мураккаб музокаралардан сўнг Винисиус "Реал" билан шартномасини 2032 йилга қадар узайтирди.
Бразилиялик футболчи 2018 йилда Мадрид клубига келганидан буён барча мусобақалар доирасида 375 та учрашувда майдонга тушиб, 128 та гол урди ва 100 та голли узатмани амалга оширди.
