«Манчестер Сити» «Палмейрас» клубининг 22 ёшли бразилиялик вингери Аллан Элиас трансфери устида фаол иш олиб бормоқда. Ушбу футболчи «Тоттенхэм»га ўтишга яқин турган Савиньога ўринбосар сифатида кўрилмоқда.

Таниқли инсайдер Фабрицио Романонинг хабар беришича, «шаҳарликлар» Аллан билан шахсий шартнома шартлари бўйича тўлиқ келишувга эришишган. Энди Англия клуби трансфер борасида «Палмейрас» билан келишиб олишга ҳаракат қилади ва томонлар ўртасидаги музокаралар аллақачон бошланган.

Аллан жорий мавсумда 41 та ўйинда майдонга тушиб, ўз ҳисобига 6 та гол ва 5 та голли узатма ёзиб қўйган. Transfermarkt портали маълумотларига кўра, бразилиялик футболчининг бозор қиймати 20 миллион еврони ташкил этади.