Миланнинг «Интер» клуби ўз расмий сайтида «Ливерпуль» ярим ҳимоячиси Кёртис Жонснинг трансферини расман эълон қилди. 25 ёшли англиялик футболчи «нерадзурри» сафига мерсисайдликлар клубидан кўчиб ўтди.

Жонс Милан клуби билан 2031 йилнинг ўрталаригача мўлжалланган 5 йиллик шартнома имзолади. ОАВ хабарларига кўра, ушбу трансфер «Интер»га 30 миллион еврога тушган.

Кёртис Жонс «Ливерпуль»нинг асосий жамоаси таркибида барча турнирларда 228 та расмий учрашувда майдонга тушиб, ўз ҳисобига 22 та гол ва 25 та голли узатма ёздириб қўйган эди.

22 август куни «Интер» А Сериянинг 1-тури доирасида ўз майдонида «Монца»ни қабул қилади.