Бирлашган Араб Амирликлари шарафини ҳимоя қилувчи «Ал-Жазира» клуби бразилиялик ҳужумчи Малком Фелипе билан шартнома имзолаганини расман эълон қилди. Бу ҳақда жамоанинг ижтимоий тармоқларидаги саҳифаларида хабар берилди.
29 ёшли бразилиялик форвард янги жамоасида 10-рақам остида ҳаракат қилади. Малком «Ал-Жазира» сафига эркин агент мақомида келиб қўшилди. У бундан бироз аввал Саудия Арабистонининг «Ал-Хилол» клуби билан амалдаги шартномасини бекор қилган эди.
Жорий мавсумда Малком 1 та ўйинда майдонга тушиб, 1 та гол уришга эришган бўлса, ўтган мавсумда 7 та гол ва 11 та голли узатмага муаллифлик қилган эди.
