«Барселона» раҳбарияти 18 ёшли мисрлик ҳужумчи Хамза Абделкаримнинг кўрсатаётган ўйинидан жуда мамнун.
Sport.es нашрининг хабар беришича, ёш футболчи Ханс-Дитер Флик бошчилигидаги мураббийлар штабини асосий жамоада ўйнашга тайёр эканига тўлиқ ишонтира олди. Муваффақиятли ўтказилган мавсум олди йиғинидан сўнг, унга яхшиланган молиявий шартларга эга янги шартнома таклиф этилиши мумкин — музокаралар трансфер ойнаси ёпилиши билан дарҳол бошланади.
Эслатиб ўтамиз, Хамза Абделкарим ўтган мавсумнинг иккинчи ярмини «Барселона»да «Ал-Ахли» клубидан ижара асосида ўтказган эди. Ёзда «каталонияликлар» расмий ўйинларда ҳали дебют қилмаган иқтидорли форвардни тўлиқ сотиб олишди.
