Франция чемпионати 1-тури доирасида «Страсбург» устидан қозонилган ғалабадан сўнг (4:0) «Марсель» бош мураббийи Брюно Женезьо ёзги трансфер ойнаси ёпилгунига қадар клуб бир нечта футболчилар билан хайрлашиши зарурлигини маълум қилди.

«Биз маошлар фондини қисқартиришимиз керак. Буни қилмагунча, янги трансферларни амалга ошира олмаймиз. Гап уч, тўрт ёки бешта футболчи ҳақида бориши мумкин», — дея Женезьонинг сўзларини келтиради L'Equipe.

Аввалроқ, август ойи бошларида «Марсель» 2027 йилнинг 30 июнига қадар футболчилар сотуви орқали камида 180 миллион евро ишлаб топиши кераклиги ҳақида хабарлар тарқалган эди. Акс ҳолда, клуб Франция олий дивизионидан четлатилиши мумкин.