"Барселона" ҳимоячи Жоау Канселуни рўйхатдан ўтказиш масаласида хавотирга тушмаяпти. Каталония клуби аввалроқ португалиялик футболчининг "Ал-Ҳилол"дан қайтганини эълон қилган.
Jijantes FC маълумотига кўра, "Барселона" Канселуни яқин соатлар ичида Ла Лига учун рўйхатдан ўтказишига ишонмоқда. Айни пайтда у каталонияликларнинг янги футболчилари орасида ҳали рўйхатдан ўтказилмаган ягона ўйинчи бўлиб турибди.
Клубда барча расмийлаштириш ишлари ўз вақтида якунланиши ва Ханс-Дитер Флик Канселуни "Эльче"га қарши учрашув қайдномасига кирита олиши кутилмоқда.
"Эльче" — "Барселона" учрашуви 23 август, якшанба куни бўлиб ўтади.
