"Тоттенхэм" шу дам олиш кунларида "Манчестер Сити"нинг икки футболчиси — Савиньо ва Омар Мармуш трансферларини расмийлаштиришни режалаштирмоқда.
TEAMtalk маълумотига кўра, "шпорлар" Савиньо трансфери бўйича келишувга эришган, Мармуш билан эса беш йиллик шартнома шартларини келишиб олган. Лондон клубида ҳар икки футболчи ҳам душанбага қадар жамоага қўшилишига ишонч ортиб бормоқда.
Хабарларга кўра, "Тоттенхэм" икки трансфер учун жами қарийб 160 миллион фунт сарфлаши мумкин. Савиньо бўйича келишувнинг ўзи бонуслар билан 85 миллион фунтга етиши айтилмоқда.
Бугун, 22 август куни "Тоттенхэм" АПЛнинг 1-турида "Брентфорд"га қарши майдонга тушади.
