"Tottenxem" shu dam olish kunlarida "Manchester Siti"ning ikki futbolchisi — Savinyo va Omar Marmush transferlarini rasmiylashtirishni rejalashtirmoqda.

TEAMtalk ma’lumotiga ko‘ra, "shporlar" Savinyo transferi bo‘yicha kelishuvga erishgan, Marmush bilan esa besh yillik shartnoma shartlarini kelishib olgan. London klubida har ikki futbolchi ham dushanbaga qadar jamoaga qo‘shilishiga ishonch ortib bormoqda.

Xabarlarga ko‘ra, "Tottenxem" ikki transfer uchun jami qariyb 160 million funt sarflashi mumkin. Savinyo bo‘yicha kelishuvning o‘zi bonuslar bilan 85 million funtga yetishi aytilmoqda.

Bugun, 22 avgust kuni "Tottenxem" APLning 1-turida "Brentford"ga qarshi maydonga tushadi.