"Милан" эгалари маслаҳатчиси Златан Ибраҳимович Лука Модричнинг Италия клуби билан шартномасини яна бир йилга узайтирганига муносабат билдирди. Сентябрда 41 ёшга тўладиган хорватиялик футболчи "Милан"да яна бир мавсум қолади.

"Лука — маэстро. Мен учун у шунчаки футбол ўйнамайди. Унинг ўзи — футбол. Унинг ўйинини томоша қилиш менга жуда ёқади. Жаҳон чемпионатида ишлаб, унинг Хорватия сафидаги ўйинидан завқ олиш бахтига муяссар бўлдим.

Лука "Милан"да яна бир йил қолишидан хурсандман. Менимча, ўтган мавсумда у жамоанинг энг яхши футболчиси бўлди.

У имкон қадар узоқ вақт ўйнашда давом этиши керак. Чунки ўзим ҳам шундай вазиятда бўлганман. Қачон тўхташ керак, энг юқори чўққида кетиш керакми, деб ўйлардим. Аммо ўзимга имкон қадар узоқ ўйнашни айтдим. Чунки фаолиятингни тугатган кунинг пушаймон бўлишинг мумкин. Эртасига эса "Яна узоқроқ ўйнашим мумкин эди", деб ўйлайсан.

"Милан"да Лука биз билан эканидан жуда хурсандмиз. Унинг ўзи ҳам бундан мамнун", — деди Ибраҳимович.