Мадриднинг «Реал» клуби ўнг қанот ҳимоячиси Трент Александер-Арнольд Англия терма жамоасининг ўтган жаҳон чемпионати учун қайдномасига киритилмаганини қандай қабул қилгани ҳақида гапирди.
Англияликлар бош мураббийи Томас Тухель «қаймоқранглилар» вакилини мусобақа учун таркибга киритмасликка қарор қилганди. Бу қарор жамоатчилик орасида кўплаб баҳс-мунозараларга сабаб бўлди.
«Очиғини айтсам, жаҳон чемпионатига боришдан жуда умидвор эдим. Менга қўнғироқ қилишганида Мадриддаги уйимда эдим. Суҳбатдан сўнг ўзимни бутунлай тушкун ҳис қилдим.
Жаҳон чемпионатида иштирок этишга умид қилганим учун ҳатто ёзги таътилга ҳеч қандай режа ҳам тузмагандим.
Терма жамоага чақириламанми ёки йўқми, фаолиятимни якунлагунимга қадар доимо Англия сафида ўйнашга тайёр бўламан. Мамлакатим шарафини ҳимоя қилиш мен учун энг катта фахр», — дея Трентнинг сўзларини Madrid Zone келтирди.
Англия терма жамоаси жаҳон чемпионатининг ярим финалига қадар етиб борди ва унда Аргентинага мағлуб бўлди. Учинчи ўрин учун кечган баҳсда эса «уч шерлар» Франциядан устун келди.
