Юри Тилеманс «Манчестер Юнайтед»ни Премьер-лига 1-турида «Ҳалл Сити»дан учралган 0:2 ҳисобидаги мағлубиятдан қутқариб қола олмади.

«Йўлбарслар» 38-дақиқага қадар жавобсиз иккита гол урди ва иккинчи бўлимда устунликни сақлаб қолди. Бу баҳс Тилеманс учун «қизил иблислар» сафидаги дебют учрашуви бўлди. У майдонда 67 дақиқа ҳаракат қилди.

«Қийин кун бўлди. Аммо битта муваффақиятсиз ўйин бутун мавсумни белгилаб бермайди. Келаси ҳафта «Олд Траффорд»да ўтказиладиган уй учрашувини интиқлик билан кутяпман», — деб ёзди Тилеманс ижтимоий тармоқдаги саҳифасида.

29 ёшли бельгиялик ярим ҳимоячи июль ойида «Астон Вилла»дан «Манчестер Юнайтед»га кўчиб ўтганди.

Майкл Кэррик жамоаси 30 август куни Премьер-лиганинг 2-тури доирасида ўз майдонида «Ипсвич»ни қабул қилади.