Yuri Tilemans «Manchester Yunayted»ni Premyer-liga 1-turida «Hall Siti»dan uchralgan 0:2 hisobidagi mag‘lubiyatdan qutqarib qola olmadi.

«Yo‘lbarslar» 38-daqiqaga qadar javobsiz ikkita gol urdi va ikkinchi bo‘limda ustunlikni saqlab qoldi. Bu bahs Tilemans uchun «qizil iblislar» safidagi debyut uchrashuvi bo‘ldi. U maydonda 67 daqiqa harakat qildi.

«Qiyin kun bo‘ldi. Ammo bitta muvaffaqiyatsiz o‘yin butun mavsumni belgilab bermaydi. Kelasi hafta «Old Trafford»da o‘tkaziladigan uy uchrashuvini intiqlik bilan kutyapman», — deb yozdi Tilemans ijtimoiy tarmoqdagi sahifasida.

29 yoshli belgiyalik yarim himoyachi iyul oyida «Aston Villa»dan «Manchester Yunayted»ga ko‘chib o‘tgandi.

Maykl Kerrik jamoasi 30 avgust kuni Premyer-liganing 2-turi doirasida o‘z maydonida «Ipsvich»ni qabul qiladi.