Мадриднинг «Атлетико» клуби ҳужумчиси Хулиан Альварес жамоанинг «Вильярреал»га қарши навбатдаги учрашувида майдонга тушиши мумкин.
Клубнинг ижтимоий тармоқдаги саҳифасида эълон қилинган маълумотга кўра, аргентиналик футболчи Ла Лиганинг 2-туридан ўрин олган якшанба кунги баҳс учун «Атлетико» қайдномасига киритилди.
26 ёшли ҳужумчи жароҳати сабабли мавсумнинг «Малага»га қарши илк учрашувини ўтказиб юборганди. У жаҳон чемпионатидан кейин таътилда бўлгани учун мавсумолди назорат ўйинларида ҳам иштирок этмаган.
«Атлетико» Альварессиз Ла Лигадаги иштирокини ўз майдонида «Малага» устидан қозонилган 2:0 ҳисобидаги ғалаба билан бошлади.
Ўша учрашувда айрим мухлислар клубни тарк этиш истагини очиқ билдирган Альваресни ҳақорат қилувчи ҳайқириқлар айтди. «Атлетико» эса ўзининг юлдуз футболчисини «Барселона»га сотишдан бош тортмоқда.
