Ситтарднинг «Фортуна» клуби Нидерландия чемпионати 3-турини АЗга қарши уй учрашуви билан бошлаб берди. Бироқ баҳс мезбонлар учун жуда омадсиз кечди.
Учрашувнинг 5-дақиқасида Оле Ромени қизил карточка олди ва «Фортуна» бир киши кам бўлиб қолди.
Бу Ситтард клубининг 2000 йил августидан буён қайд этилган энг тезкор четлатилиши бўлди. Ўшанда Йост Волмер учрашувнинг 2-дақиқасидаёқ қизил карточка олганди.
Ўн киши бўлиб қолган «Фортуна» биринчи бўлимда ўз дарвозаси дахлсизлигини сақлади. Бироқ танаффусдан кейин иккита гол ўтказиб юборди ва мағлубиятга учради.
«Фортуна» Эредивизиенинг кейинги турида 28 август куни сафарда «Гронинген»га қарши майдонга тушади.
