Дортмунднинг «Боруссия» клуби бош мураббийи Нико Ковач «Бавария» устози Венсан Компанининг ёрдамчиси Аарон Дэнкснинг хатти-ҳаракатларидан норози бўлди.

Хорватиялик ва англиялик мутахассис Германия Суперкубоги учрашуви вақтида ўзаро тортишиб қолди. Баҳсдан кейин «Боруссия» бош мураббийи можарога нима сабаб бўлганини изоҳлади.

«Мен инглиз тилини анча яхши биламан. Шунинг учун у менга нима демоқчи бўлганини жуда яхши тушундим.

Бу мен учун қабул қилиб бўлмайдиган ҳолат. Энди бу унинг виждонига ҳавола. У узр сўраши керак», — деди Ковач Kicker нашрига берган интервьюсида.

Учрашув «Бавария»нинг 2:1 ҳисобидаги ғалабаси билан якунланди. Мюнхенликларга навбатдаги совринни биринчи бўлимда Натаниэль Браун ва Майкл Олисе томонидан урилган голлар келтирди. Дортмундликлар сафида эса 75-дақиқада Фабиу Силва гол урди.