"Комо" "Фиорентина" ҳужумчиси Мойзе Кинни ўз сафига қўшиб олиш бўйича музокараларни давом эттирмоқда.

Аввалроқ "Фиорентина" 26 ёшли футболчи учун тушган таклифни рад этганди. Бироқ "оқ-кўклар" ҳужумчини қўлга киритиш ниятидан қайтгани йўқ.

Журналист Николо Скира маълумотига кўра, "Комо" яқин вақт ичида Кин учун тахминан 40 миллион евро таклиф қилади. Жамоа бош мураббийи Сеск Фабрегас флоренцияликлар ҳужумчисини трансфер ойнасидаги устувор мақсад сифатида белгилаб олган.

Transfermarkt портали Мойзе Киннинг бозор қийматини 32 миллион еврога баҳоламоқда. Италиялик футболчи "Фиорентина" сафида ҳозиргача 78 та ўйин ўтказиб, 35 та гол урган ва 7 та голли узатма амалга оширган.

Эслатиб ўтамиз, "Комо" жорий мавсумда ўз тарихида илк бор Чемпионлар лигасида иштирок этади.