Лондоннинг "Тоттенхэм" клуби "Ливерпуль" вингери Коди Гакпони трансфер қилиш учун янги таклиф тайёрламоқда.
Инсайдер Николо Скира маълумотига кўра, "шпорлар" нидерландиялик футболчи билан шахсий шартнома шартларини аллақачон келишиб олган. Энди Лондон клуби трансфер борасида "Ливерпуль" билан келишувга эришиши керак. Гакпо ва "Тоттенхэм" ўртасида шахсий шартлар келишилгани ҳақида бошқа манбалар ҳам хабар бермоқда.
Қайд этилишича, "Тоттенхэм" Гакпо трансфери амалга ошмаган тақдирда, "Челси" вингери Михаил Мудрикни муқобил вариант сифатида кўриб чиқмоқда. Украиналик футболчи антидопинг қоидаларини бузгани учун берилган узоқ муддатли дисквалификациясини яқинда ўтаб бўлди.
"Тоттенхэм" янги мавсумни омадсиз бошлади. Лондонликлар Англия Премьер-лигасининг биринчи турида "Брентфорд"га қарши дербида 0:3 ҳисобида йирик мағлубиятга учради.
