Londonning "Tottenxem" klubi "Liverpul" vingeri Kodi Gakponi transfer qilish uchun yangi taklif tayyorlamoqda.

Insayder Nikolo Skira ma’lumotiga ko‘ra, "shporlar" niderlandiyalik futbolchi bilan shaxsiy shartnoma shartlarini allaqachon kelishib olgan. Endi London klubi transfer borasida "Liverpul" bilan kelishuvga erishishi kerak. Gakpo va "Tottenxem" o‘rtasida shaxsiy shartlar kelishilgani haqida boshqa manbalar ham xabar bermoqda.

Qayd etilishicha, "Tottenxem" Gakpo transferi amalga oshmagan taqdirda, "Chelsi" vingeri Mixail Mudrikni muqobil variant sifatida ko‘rib chiqmoqda. Ukrainalik futbolchi antidoping qoidalarini buzgani uchun berilgan uzoq muddatli diskvalifikasiyasini yaqinda o‘tab bo‘ldi.

"Tottenxem" yangi mavsumni omadsiz boshladi. Londonliklar Angliya Premyer-ligasining birinchi turida "Brentford"ga qarshi derbida 0:3 hisobida yirik mag‘lubiyatga uchradi.