«Комо» бош мураббийи Сеск Фабрегас «Удинезе»нинг ҳозирги савияси ҳақида фикр билдирди.

Италия А Сериясининг янги мавсуми 1-турида «Комо» сафарда «Удинезе»ни мағлуб эта олмади. Учрашув 1:1 ҳисобидаги дуранг билан якунланди.

«Удинезе» — Премьер-лига даражасидаги жамоа. Улар жисмоний жиҳатдан жуда кучли ва тўхтовсиз ҳаракат қилишади. Уларнинг ўз ўйин услуби бор. Кўрасизлар, бу йил Удинеда уларни жуда кам жамоа мағлуб эта олади», — дея Фабрегаснинг сўзларини келтирди журналист Николо Скира.

Қайд этиш жоиз, «Удинезе» ўтган мавсумда А Сериянинг 38 та учрашувида 50 очко жамғариб, чемпионатни 10-ўринда якунлаган.

Италия чемпионатининг 2-турида «Комо» сафарда «Наполи»га қарши майдонга тушади. «Удинезе» эса меҳмонда «Монца» билан куч синашади.