Ўзбекистон Суперлигасининг 19-туридан ўрин олган "Нефтчи" — "Сўғдиёна" учрашуви фарғоналикларнинг 3:0 ҳисобидаги йирик ғалабаси билан якунланди.

Учрашув статистикаси ҳам "Нефтчи"нинг сезиларли устунлигини кўрсатади. Фарғоналиклар рақиб дарвозаси томон 34 марта зарба бериб, уларнинг 11 тасини аниқ йўллашди. "Сўғдиёна" эса 8 та зарба берди ва шундан 3 таси дарвоза соҳасига тўғри келди.

Кутилаётган голлар (xG) кўрсаткичида ҳам катта фарқ қайд этилди — "Нефтчи"да 5,18, "Сўғдиёна"да 0,50. Тўп назорати бўйича мезбонлар 56 фоизга, жиззахликлар 44 фоизга эга бўлди.

Шунингдек, "Нефтчи" 18 та бурчак зарбаси ишлади, "Сўғдиёна"да эса бу кўрсаткич 7 тани ташкил қилди. Калит паслар бўйича фарғоналиклар 27:6 ҳисобида устунлик қилди.

Учрашув статистикаси:

"Нефтчи" — "Сўғдиёна" — 3:0
xG — 5,18:0,50
Тўп назорати — 56%:44%
Зарбалар — 34:8
Аниқ зарбалар — 11:3
Паслар аниқлиги — 78%:74%
Қоидабузарликлар — 7:4
Калит паслар — 27:6
Бурчак зарбалари — 18:7
Офсайд — 1:3