«Брайтон» Англия Премьер-лигасининг янги мавсуми илк турида «Астон Вилла» дарвозасига тўртта жавобсиз гол урди. Эътиборлиси, жамоа барча тўртта голни учрашувнинг 31-дақиқасига қадар киритишга муваффақ бўлди.
Сўнгги 20 йил давомида АПЛда ҳеч бир жамоа мавсумнинг биринчи турида бу қадар қисқа вақт ичида тўртта гол ура олмаган эди.
Бундай натижани сўнгги марта «Манчестер Юнайтед» 2006/07 йилги мавсумда қайд этган. Ўшанда манчестерликлар «Фулхэм»га қарши илк тур учрашувида атиги 19 дақиқа ичида тўртта гол уришга муваффақ бўлган.
«Брайтон» Англия Премьер-лигасининг навбатдаги турида Лондоннинг «Челси» клуби меҳмони бўлади. Учрашув 30 август куни ўтказилади.
