«Барселона» ярим ҳимоячиси Френки де Йонг «Манчестер Сити»нинг трансфер мақсадлари қаторига кирди.
The Touchline нашри журналист Хосе Альваресга таяниб хабар беришича, «шаҳарликлар» 29 ёшли футболчининг трансфери бўйича маълумот сўраган. Англия клуби трансфер ойнаси ёпилишидан олдин нидерландиялик ярим ҳимоячини ўз сафига қўшиб олиш имкониятини кўриб чиқмоқда.
Де Йонг жароҳат сабаб янги мавсумнинг дастлабки ўйинларини ўтказиб юбормоқда. Дастлабки тахминларга кўра, унинг майдонга қайтиши куз фаслининг охирларига тўғри келиши мумкин.
Яқинда «Барселона» бош мураббийи Ҳанс-Дитер Флик де Йонгни жамоа сардорлари сафидан чиқарган эди.
Transfermarkt маълумотларига кўра, нидерландиялик футболчининг бозор қиймати 35 млн еврога баҳоланмоқда. Де Йонг ўтган йилнинг кузида «Барселона» билан шартномасини 2029 йилга қадар узайтирган.
