"Ливерпуль" ҳужумчиси Александер Исак собиқ жамоаси "Ньюкасл" стадионига қайтишида маҳаллий мухлислар томонидан салбий кутиб олинди.
АПЛ 1-турида "Ньюкасл" ва "Ливерпуль" "Сент-Жеймс Парк"да ўзаро баҳс олиб борди (1:1).
Мерсисайдликлар футболчилари автобусдан тушиб стадионга йўл олар экан, "Ньюкасл" мухлислари уларни ҳуштакбозлик билан қарши олди. Исак кўриниши билан эса трибуналардан унга нисбатан "Каламуш, каламуш, каламуш" деган ҳақоратли ҳайқириқлар янгради. Бу ҳолат ижтимоий тармоқларда тарқалган видеоларда ҳам акс этган.
Эслатиб ўтамиз, швециялик ҳужумчи ўтган мавсум бошида "Ньюкасл"дан "Ливерпуль"га 125 млн фунт эвазига кўчиб ўтган. Унинг трансфери олдидан футболчи "Ньюкасл"нинг мавсумолди турнесида қатнашмаган ва собиқ клуби "Реал Сосьедад" базасида якка тартибда шуғулланган эди. Кейинчалик Исак "Ливерпуль"га ўтиш истагини очиқ билдирган.
