Энцо Мареска "Манчестер Сити" бош мураббийи сифатида илк ғалабасини қўлга киритди.

"Шаҳарликлар" Англия Премьер-лигасининг 1-турида ўз майдонида "Борнмут"ни 2:1 ҳисобида мағлуб этди. Манчестерликлар ўйин давомида ҳисобда ортда бораётганига қарамай, сўнгги дақиқаларда вазиятни ўз фойдасига ўзгартиришга муваффақ бўлди.

84-дақиқада Марк Гехи ҳисобни тенглаштирди. 91-дақиқада эса Йошко Гвардиол "Манчестер Сити"нинг ғалаба голини урди. Дастлаб офсайд эҳтимоли туфайли гол ҳисобга олинмади, аммо VAR текширувидан сўнг гол тасдиқланди.

Мареска Пеп Гвардиоланинг клубдаги 10 йиллик фаолиятидан сўнг "Манчестер Сити" бошқарувини қабул қилиб олган. Унинг жамоа бош мураббийи сифатидаги илк расмий учрашуви Англия Суперкубогида "Арсенал"га қарши кечиб, "шаҳарликлар" 0:3 ҳисобида мағлуб бўлганди.

"Манчестер Сити" навбатдаги учрашувини 28 август куни сафарда "Кристал Пэлас"га қарши ўтказади.