Фабиньо Трабзонга учиб кетди ва Туркиянинг «Трабзонспор» клубига ўтишини расмийлаштирмоқда. 32 ёшли бразилиялик ярим ҳимоячи аввалроқ ушбу жамоа билан оғзаки келишувга эришган эди.

Футболчининг сўнгги клуби эркин агент мақомида тарк этган Саудия Арабистонининг «Ал-Иттихад» клуби бўлган, унгача эса у Англиянинг «Ливерпуль» жамоасида тўп сурган. Эътиборли жиҳати, мерсисайдликлар сафида Фабиньо билан бирга ўйнаган юлдуз ҳужумчи Муҳаммад Салоҳ ҳам яқинда «Трабзонспор»га кўчиб ўтган эди.

Трабзон клубининг ижтимоий тармоқларида Фабиньо клуб формасида самолётда кетаётгани акс эттирилган видео эълон қилинди. Видеода футболчи қуйидагича фикр билдирди:

«Трабзонда мени таниш юз кутиб турибди. Мен йўлдаман. Биз учун ҳар бир жой — Трабзон».