«Лидс» клуби «Челси» вингери Михаил Мудримни ижарага олиш учун янги таклиф тайёрламоқда. Аввалроқ лондонликлар украин футболчиси бўйича биринчи сўровини рад этган эди.

Маълумотларга кўра, Мудрикнинг ўзи амалдаги жамоасини ўзгартириб, фаолиятини АПЛнинг бошқа клубида давом эттириш истагида. Унга «Лидс»дан ташқари «Страсбур», «Ковентри» ва «Хетафе» клублари ҳам жиддий қизиқиш билдирмоқда. Шунингдек, «Тоттенхэм» Коди Гакпо борасидаги музокаралар муваффақиятсиз чиққан тақдирда захира варианти сифатида украиналик футболчини диққат билан кузатиб бормоқда.

«Челси» бош мураббийи Хаби Алонсо эса футболчини жамоада сақлаб қолиш тарафдори. Баск мутахассиси Мудрикнинг тезлиги ҳамда ҳужумкорлик кўникмаларидан келиб чиқиб, уни қанот ҳимоясида синаб кўришни режалаштирмоқда. Бу эса бошқа шерикларга майдон марказига тез-тез силжиш имконини бериши мумкин.

Эслатиб ўтамиз, ёз ойи бошида Мудрик допинг иши бўйича расман оқланган эди. «Челси» ҳам футболчининг намуналари замонавий талаблар асосида текширилганида қоидабузарлик аниқланмаганини маълум қилган.

Мавсумолди йиғинлари ва ўртоқлик учрашувларида майдонга қайтган Михаил клуб сафида ўзини кўрсатишга улгурди. Хусусан, у «Жоҳор»га қарши баҳсда (3:3) ажойиб узатмани амалга ошириб, жамоасини мағлубиятдан қутқариб қолган эди.

АПЛ янги мавсумини сафардаги ғалаба билан бошлаган «Лидс» кейинги ўйинини эртага, 25 август куни Лига кубогининг 1/32 финали доирасида айнан «Ноттингем Форест»га қарши ўтказади.