Николо Скиранинг маълум қилишича, Лондоннинг икки гранди — «Челси» ва «Арсенал» Хулиан Альварес трансферига қизиқиш билдирмоқда.

Айниқса, «Арсенал» аргентиналик ҳужумчини ўз сафига қўшиб олиш имкониятини жиддий ўрганмоқда. Сўнгги хабарларга кўра, «канонирлар» футболчи ва унинг атрофидаги вазиятни кузатишда давом этмоқда.

Альвареснинг келажаги ёзги трансфер ойнасининг сўнгги кунларидаги асосий мавзулардан бирига айланган. «Атлетико» футболчисини қўлга киритиш осон бўлмайди — айрим манбалар Мадрид клубини музокарага кўндириш учун таклиф 150 миллион евро атрофида бўлиши мумкинлигини қайд этмоқда.

Ҳозирча Альвареснинг «Челси» ёки «Арсенал»га ўтиши бўйича расмий келишув мавжуд эмас.