"Ньюкасл" "Лилль"нинг 21 ёшли вингери Маттиас Фернандес-Пардони трансфер қилиш бўйича музокараларга киришди. Франция клуби билан 2029 йилга қадар шартномаси бор бельгиялик футболчи ҳамон жамоани тарк этиш истагида.
L'Équipe нашри маълумотига кўра, Англия клуби футболчи учун бонусларсиз тахминан 40 миллион евро миқдорида таклиф киритган. Аввалроқ Фернандес-Пардога "Атлетико" ҳам қизиқиш билдирган ва 35 миллион евро таклиф қилган эди.
"Лилль" президенти Оливье Летанг футболчига муносиб ўринбосар топмасдан туриб уни қўйиб юбориш ниятида эмас. Бироқ "Ньюкасл"нинг молиявий имкониятлари француз клуби позициясини ўзгартириши мумкин бўлган таклиф билан чиқишга имкон беради.
Ўтган мавсумда Фернандес-Пардо клуб миқёсида 41 та ўйинда майдонга тушиб, 8 та гол урди ва 7 та голли узатмани амалга оширди.
