«Челси» Англия Премьер-лигаси 1-туридан ўрин олган учрашувда сафарда «Фулхэм»ни 3:2 ҳисобида мағлуб этди.

Меҳмонлар сафида Жоао Педро 1-дақиқадаёқ ҳисобни очди. Жамоа сафига янги қўшилган Морган Рожерс 41-дақиқада гол урган бўлса, Коул Палмер 49-дақиқада рақиб дарвозасини ишғол қилди.

Шунингдек, Палмер ва Жоао Педро биттадан голли узатмани ҳам ўз ҳисобларига ёздириб қўйишди.

«Фулхэм» сафида Жошуа Кинг 23-дақиқада, «Реал»нинг собиқ ҳужумчиси Гонсало Гарсия эса 54-дақиқада гол урди.

Ушбу учрашув «Челси» учун Хаби Алонсо бош мураббийлигидаги дастлабки расмий ўйин бўлди. Испаниялик мутахассис жамоани ёзда қабул қилиб олган эди.

Алонсо бунга қадар «Реал» ва «Байер» клубларида фаолият олиб борган.