«Ювентус» ярим ҳимоячиси Тён Копмейнерс ёзги трансфер ойнаси ёпилгунига қадар Турин клубини тарк этиши мумкин.

Goal.com маълумотига кўра, 28 ёшли нидерландиялик футболчи бош мураббий Лучано Спаллеттининг келгуси режаларидан ўрин олмаган. Шу сабаб Копмейнерс трансфер ойнаси ёпилгунига қадар янги жамоа топишга умид қилмоқда.

Аввалроқ футболчига Италия, Туркия ва Англия клублари қизиқиш билдирган. Улар орасида «Астон Вилла» ва «Манчестер Юнайтед» ҳам бор.

«Ювентус» Копмейнерсни тахминан 30 миллион еврога сотишга тайёр. Шунингдек, ижара варианти ҳам кўриб чиқилмоқда. Бироқ туринликлар келишувга муайян кўрсаткичларга эришилган тақдирда футболчини мажбурий сотиб олиш бандини киритишни истамоқда.

Копмейнерс 2024 йил ёзида «Аталанта»дан 58 миллион евро эвазига «Ювентус»га ўтган эди. Бироқ у Туринда кутилган даражада ўзини кўрсата олмади. Ярим ҳимоячи «Ювентус» сафида 90 та расмий учрашувда майдонга тушиб, 7 та гол урди ва 4 та голли узатма берди.