«Аталанта» марказий ҳимоячиси Онест Аханор «Челси»нинг трансфер қизиқишлари доирасига тушди.
Инсайдер Фабрицио Романо маълумотига кўра, Лондон клуби вакиллари 18 ёшли футболчининг ривожланишини кузатиб бормоқда. «Челси» Аханорни келажак учун истиқболли трансфер сифатида кўриб чиқмоқда. «Аталанта» эса ёзда футболчи бўйича келиб тушган иккита таклифни рад этган.
Нигериялик оилада Италияда туғилган Аханор «Женоа» академияси тарбияланувчиси бўлиб, 2025 йилда «Аталанта» сафига қўшилган. У марказий ҳимоядан ташқари чап қанот ҳимоясида ҳам ҳаракат қила олади.
