«ПСЖ» қанот ҳужумчиси Брэдли Баркола ва унинг вакиллари футболчи ёзги трансфер ойнаси ёпилгунига қадар «Ливерпуль»га ўтишига ишонч билдирмоқда. Бу ҳақда L’Equipe хабар берди.

Франция терма жамоаси футболчиси Англия Премьер-лигаси клубига ўтиш учун принципиал розилик берган.

Барколанинг «Ливерпуль» вариантини афзал кўраётгани у «ПСЖ» билан 2028 йилгача амал қиладиган шартномасини узайтиришдан бош тортганидан кейин янада ойдинлашган.

Шунингдек, футболчи эҳтимолий трансфер юзасидан «Ливерпуль» раҳбарияти ва жамоа бош мураббийи Андони Ираола билан мулоқот қилган.

Айни пайтда трансфер йўлидаги асосий тўсиқ — икки клуб ўртасида келишув йўқлиги. «ПСЖ» Баркола учун юқори миқдорда товон пули талаб қилмоқда, «Ливерпуль» эса ҳозирча парижликларнинг талабини қондиргани йўқ.

Аввалроқ мерсисайдликлар Барколя учун тахминан 115 миллион евролик таклиф тайёрлагани хабар қилинган.