"Барселона" ҳимоячиси Жюль Кунде янги мавсумда доимий ўйин амалиётига эга бўлмаслиги мумкин.
Catalunya Radio маълумотига кўра, жамоа бош мураббийи Ханс-Дитер Флик француз футболчиси билан суҳбатлашиб, ўнг қанот ҳимоясида асосий вариант сифатида Эрик Гарсияни кўраётганини билдирган.
Шунингдек, Флик Кундедан кўпроқ марказий ҳимоячи сифатида фойдаланишни режалаштирмоқда. Бироқ 27 ёшли футболчи бу позицияда ҳам биринчи танлов ҳисобланмайди.
Трансфер ойнаси ёпилгунига қадар Кунденинг "Барселона"ни тарк этиш эҳтимоли ҳам муҳокама қилинмоқда. Шу билан бирга, футболчининг ўзи июнь ойида клубда қолиш ниятида эканини ва шартномаси 2030 йилгача амал қилишини таъкидлаган эди.
