"Барселона" ярим ҳимоячиси Френки де Йонг трансфер ойнаси ёпилгунига қадар жамоани тарк этмайди. Бу ҳақда Diario SPORT хабар бермоқда.
Манбага кўра, "Манчестер Сити" нидерландиялик футболчини ўз сафига қўшиб олишга жиддий қизиқиш билдирган. Бироқ де Йонгнинг жароҳати инглиз клуби режаларини ўзгартирган. "Шаҳарликлар" натижада бошқа номзодларга эътибор қаратишга қарор қилган.
"Барселона" эса 29 ёшли ярим ҳимоячига ишонч билдиришда давом этмоқда. Де Йонгнинг ўзи ҳам Каталония клубида қолиш ва фаолиятини шу ерда давом эттириш ниятида. Унинг амалдаги шартномаси 2029 йилнинг ёзига қадар мўлжалланган.
Айни пайтда футболчи тиззасидан олган жароҳатидан тикланиш жараёнини ўтамоқда.
