"Ливерпуль" "Брайтон" вингери Янкуба Минтени сотиб олиш бўйича навбатдаги таклиф юбориш масаласида қарор қабул қилмоқчи.

talkSPORT маълумотига кўра, мерсисайдликлар 22 ёшли футболчи учун аввал 50 миллион, кейин эса 60 миллион фунт таклиф қилган, аммо "Брайтон" ҳар икки таклифни рад этган. "Чайкалар" Минтени 70 миллион фунтга баҳоламоқда.

Манбага кўра, "Ливерпуль" ўтган дам олиш кунлари Минте билан музокара ўтказган. Энди клуб учинчи таклифни юбориш ёки юбормаслик борасида якуний қарор қабул қилиши кутилмоқда. Мерсисайдликлар дастлаб суммани 65 миллион фунтга ошириб кўриши мумкин, бироқ 70 миллион фунтлик таклиф "Брайтон"ни рози қилиши эҳтимоли юқори.

Минте Гамбия терма жамоаси аъзоси ҳисобланади. У 2024 йилда "Ньюкасл"дан "Брайтон"га 30 миллион фунт атрофидаги маблағ эвазига ўтган.