«Реал» бош мураббийи Жозе Моуриньо мухлисларни мавсумдаги илк уй ўйинида жамоани қўллаб-қувватлашга чақирди.

Мадридликлар Ла Лига биринчи турининг қолдирилган ўйинида «Реал Сосьедад»ни қабул қилади.

«Бу биринчи уй ўйини, аммо ўн тўққизтасидан фақат биттаси. Ҳар бир очко муҳим. Мақсад – ғалаба қозониш, шунга лойиқ бўлган рақибга нисбатан ҳурматни сақлаган ҳолда. Улар жуда ўзига хос ва ажоиб таркибга эга. Бизга муаммолар туғдиришади. «Эспаньол»га қарши ўйинда мухлисларнинг рақибни қўллаб-қувватлашини ҳис қилдик ва эртага ҳам мухлисларимиз томонидан шундай бўлишига умид қиламиз. Умид қиламанки, жамоа ҳам худди шундай ғалаба иштиёқини, кайфиятини, матонатни, кучни ва совуққонликни намоён этади.

Мен «Бернабеу» мени қандайдир алоҳида тарзда кутиб олишини кутмаяман. Мен мухлислардан ўзларига хос бор эҳтироси билан жамоани қўллаб-қувватлашларини истайман. Ўтган мавсумда улар қийин босқични бошидан кечиришди. Ҳозир биз нолдан бошламаяпмиз.

Мен энг муҳим инсон эмасман. Мен ўз ҳиссиётларимни бошқара оламан ва оддий деб бўлмайдиган ўйинда ўзимни нормал тута оламан, чунки ўйинда уч очко ўйналмоқда. Мен жамоа ўтган мавсумдагидан бошқача ҳис қилишини хоҳлардим», – деди Моуриньо.