Москванинг ЦСКА клуби ярим ҳимоячи Матвей Кислякни Туркиянинг «Бешиктош» жамоасига сотмасликка қарор қилди. Бу ҳақда инсайдер Иван Карпов ўзининг Telegram-каналида хабар берди.
Манба маълумотига кўра, ЦСКА «Бешиктош»дан расмий таклиф олмаган. Бироқ турк клуби воситачи орқали россияликлар билан боғланиб, Кисляк учун 30 миллион еврогача тўлашга тайёрлигини билдирган.
Қайд этилишича, таклифнинг кафолатланган қисми атиги 5 миллион еврони ташкил этган, қолган маблағ эса турли бонуслар кўринишида тўланиши кўзда тутилган.
ЦСКА бу таклифни дарҳол рад этган. Москва клуби Кисляк бўйича, таклиф қилинадиган маблағ миқдоридан қатъи назар, ҳеч қандай музокара олиб бориш ниятида эмас.
21 ёшли ярим ҳимоячи жорий мавсумда Россия Премьер-лигаси ва Россия кубоги доирасида жами 7 та учрашувда майдонга тушиб, битта голли узатмани амалга оширди.
