«Астон Вилла» ҳужум чизиғини «Кристал Пэлас» форварди Жан-Филипп Матета билан кучайтириш ниятида.

The Times маълумотига кўра, Бирмингем клуби француз футболчиси учун тахминан 25 миллион фунт стерлинг таклиф қилган, бироқ рад жавобини олган. «Кристал Пэлас» ҳужумчининг кетишини муҳокама қилишга тайёр, аммо уни 40 миллион фунтга баҳоламоқда.

«Астон Вилла»нинг Матетага қизиқиши Олли Уоткинснинг келажаги ноаниқ бўлиб турган бир пайтда пайдо бўлди. Англиялик ҳужумчини «Ал-Ҳилол» ўз сафига қўшиб олишга ҳаракат қилмоқда.

Шунингдек, «Астон Вилла» «Челси» форварди Николас Жексон вариантини ҳам кўриб чиқмоқда.

«Астон Вилла» Англия Премьер-лигасининг янги мавсумини омадсиз бошлаб, дастлабки турда «Брайтон»га 0:4 ҳисобида мағлуб бўлди. «Кристал Пэлас» эса биринчи турда «Эвертон»га 0:2 ҳисобида имкониятни бой берди.