"Ливерпуль" "Брайтон" вингери Янкуба Минте трансфери бўйича музокараларни давом эттирмоқда.
Sky Germany журналисти Флориан Плеттенберг маълумотига кўра, 22 ёшли футболчи жароҳатидан тўлиқ тикланиши учун яна 2-3 ой керак бўлиши мумкин. Шунга қарамай, "Ливерпуль" уни сотиб олиш ниятидан қайтмаган.
Мерсисайдликлар Минте учун аввал 50 млн, кейин 60 млн фунт таклиф қилган, аммо иккала таклиф ҳам рад этилган. "Брайтон" футболчини тахминан 70 млн фунтга баҳоламоқда.
Гамбиялик вингер "Брайтон"га 2024 йил ёзида "Ньюкасл"дан 30 млн фунтга ўтган. Унинг шартномаси 2029 йил 30 июнгача амал қилади. Transfermarkt Минтенинг ҳозирги бозор қийматини 45 млн еврога баҳоламоқда.
Чап оёқли Минте асосан ўнг қанотда ҳаракат қилади. Плеттенбергга кўра, "Ливерпуль" уни ўйин услуби жиҳатидан Муҳаммад Салоҳга яқин футболчи сифатида кўрмоқда.
