Ярим ҳимоячи Карлос Балеба "Манчестер Юнайтед"га ўтганидан сўнг илк фикрларини билдирди. Футболчи клуб билан 2031 йилгача мўлжалланган шартнома имзолади.
"Орзумдаги клубга ўтиш — ажойиб туйғу. "Олд Траффорд"да ўйнаш ҳар доим алоҳида, аммо буни "Манчестер Юнайтед" либосида амалга ошириш мен учун улкан шараф бўлади", — дея футболчининг сўзларини клуб расмий сайти келтирмоқда.
"Майкл Кэррик билан ишлашни бошлашни сабрсизлик билан кутяпман. Унинг тажрибаси ва ўйинни тушуниш қобилияти мени энг юқори даражага олиб чиқишга ёрдам берадиган идеал мураббий эканини кўрсатади.
Клубнинг мақсадлари жуда аниқ, келажак эса ниҳоятда истиқболли кўринмоқда. Мен биргаликда эриша оладиган муваффақиятларимизга ўз ҳиссамни қўшишга қатъий бел боғлаганман", — деди Балеба.
Эслатиб ўтамиз, Балеба бунга қадар "Брайтон" сафида тўп тепган. У клуб таркибида 112 та учрашувда майдонга тушиб, 4 та гол урган ва 2 та голли узатмани амалга оширган.
