«Реал» ҳужумчиси Винисиус Жуниорнинг «Арсенал»га ўтиши мумкинлиги ҳақида тарқалган хабарлар футболчининг Мадрид клуби билан янги ва яхшироқ шартнома тузиши учун агентлар томонидан қўлланган усул бўлган. Шундай фикрни «Манчестер Сити»нинг собиқ футболчиси Гарет Бэрри билдирди.
Унинг айтишича, футболчилар шартномани узайтириш музокараларида ўз шартларини яхшилашни истаганида бундай вазиятлар тез-тез учраб туради.
Шу билан бирга, Бэрри Винисиусни Англия Премьер-лигасида кўришдан мамнун бўлишини ҳам таъкидлади.
«Мен бу хабарларни одатий агентлик юриши сифатида қабул қилдим. Шу билан бирга, Винисиусни Премьер-лигада кўриш ажойиб бўларди. Чунки у ҳозир дунё футболидаги энг катта юлдузлардан бири», — дея Бэррининг сўзларини келтиради Goal.com.
Кейинчалик Винисиус ва «Реал» ўртасидаги шартнома 2032 йилга қадар узайтирилгани расман тасдиқланди.
