Португалиялик ҳужумчи Рафаэл Леау фаолиятини Туркияда давом эттириш истагини билдирганига қарамай, унинг номи Англия Премьер-лигаси клублари билан ҳам боғланмоқда.
Айни пайтда асосий даъвогарлардан бири сифатида италиялик мутахассис Роберто Де Зерби бошқараётган "Тоттенхэм" тилга олинмоқда.
derbyderbyderby.it маълумотига кўра, трансфердаги асосий масала "Милан"нинг молиявий талаби бўлиб қолмоқда. Италия клуби Леау учун 50 миллион евродан кам маблағга рози бўлиш ниятида эмас.
"Галатасарой" варианти ҳам ҳали кун тартибида. Бироқ португалиялик футболчи учун 35 миллион евро таклиф қилган Туркия клуби трансферни амалга оширишни истаса, таклиф миқдорини сезиларли даражада ошириши керак бўлади.
Эслатиб ўтамиз, Рафаэл Леау 2019 йилдан бери "Милан" шарафини ҳимоя қилиб келмоқда.
