"Барселона" жорий трансфер ойнасида янги ҳужумчи харид қилиш ғоясидан воз кечиши мумкин.
Аввалроқ каталонияликлар ҳужум чизиғини кучайтиришни режалаштирган эди. Бу ҳақда жамоа бош мураббийи Ханс-Дитер Флик ҳам бир неча бор гапирган.
Catalunya Radio маълумотига кўра, энди клуб "Атлетико" ҳужумчиси Хулиан Альваресни сотиб олишнинг иложи бўлмаса, янги марказий форвард харид қилмасликка қарор қилган.
"Барселона"да яна иккита муқобил вариант бор, аммо клуб раҳбарияти уларни етарлича ишончли номзодлар деб ҳисобламаяпти.
Каталонияликлар таркибида ҳужум марказида ўйнай оладиган бир нечта футболчи бор. Бироқ айни пайтда жамоадаги ягона соф марказий ҳужумчи — 18 ёшли янги футболчи Ҳамза Абделькарим.
