"Barselona" joriy transfer oynasida yangi hujumchi xarid qilish g‘oyasidan voz kechishi mumkin.
Avvalroq kataloniyaliklar hujum chizig‘ini kuchaytirishni rejalashtirgan edi. Bu haqda jamoa bosh murabbiyi Xans-Diter Flik ham bir necha bor gapirgan.
Catalunya Radio ma’lumotiga ko‘ra, endi klub "Atletiko" hujumchisi Xulian Alvaresni sotib olishning iloji bo‘lmasa, yangi markaziy forvard xarid qilmaslikka qaror qilgan.
"Barselona"da yana ikkita muqobil variant bor, ammo klub rahbariyati ularni yetarlicha ishonchli nomzodlar deb hisoblamayapti.
Kataloniyaliklar tarkibida hujum markazida o‘ynay oladigan bir nechta futbolchi bor. Biroq ayni paytda jamoadagi yagona sof markaziy hujumchi — 18 yoshli yangi futbolchi Hamza Abdelkarim.
